БҚО-да жантүршігерлік жол апатынан үш адам қаза тапты

Батыс Қазақстан облысында жантүршігерлік жол-көлік оқиғасы болып, үш адам қаза тапты. Бұл туралы Azattyq Rýhy агенттігі «Мой город» басылымына сілтеме жасап хабарлайды.

Апат Жәнібек ауданындағы Өнеге ауылының маңындағы Қазталов-Өнеге-Жәнібек тас жолында болды.

«Ford Focus жүргізушісі жүк көлігін басып озбақ болғанда қарсы беттегі Chevrolet Cobalt-пен соқтығысты. Апат салдарынан үш адам қаза тапты: Ford Focus жүргізушісі, сондай-ақ Chevrolet cobalt жүргізушісі мен жолаушысы» - деді БҚО полиция департаментінің баспасөз қызметі.

Сонымен қатар, жол апатынан Ford Focus-тың төрт жолаушысы зардап шекті. Олар түрлі жарақаттармен медициналық мекемеге жеткізілді.

Полиция оқиғаның мән-жайын анықтайды.