Полиция іс бойынша тергеу жүргізіп жатыр
Ақтөбеде түнгі клуб әкімшісі «жезөкшелікпен айналысу үшін притон ұйымдастырды, басқа да сексуалдық қызметтер көрсетті және сутенерлікпен айналысты» деген күдікке ілінді, деп хабарлайды Azattyq Rýhy Halyqstan басылымына сілтеме жасап.
Ақтөбе облыстық полиция департаментінің мәліметінше, күдіктіге қатысты ҚР Қылмыстық кодексінің 309-бабы («Жезөкшелікпен айналысу үшін притон ұйымдастыру немесе оны ұстау және жеңгетайлық») бойынша іс қозғалған. Қазір тергеу амалдары жүргізіліп жатыр.
Полиция атышулы түнгі клубтың клиенттерінің тізімін анықтады. Оның ішінде белгілі кәсіпкерлер мен жергілікті әкімдік қызметкерлерінің есімдері бар екені хабарланды.
«Істің ерекше сипатына байланысты «Айка тізімінің» Ақтөбелік нұсқасының егжей-тегжейі жарияланбайды. Белгілісі – бұл іске куәгер ретінде клубтың клиенттері мен әкімші интимдік қызмет көрсету үшін жинаған қыздар тартылған», – делінген хабарламада.