Алматыда элиталы пәтерді жалға беремін деп бірнеше адамды алдаған күдікті ұсталды
Оның алаяқтықпен қанша табыс тапқаны әзірге хабарланған жоқ
Алматыда Шымкент қаласының 21 жастағы тұрғыны бірқатар алаяқтық жасады деген күдікке ілініп, қолға түсті, деп хабарлайды Azattyq Rýhy.
Қалалық ПД мәліметінше, ол танымал хабарландырулар ресурсы арқылы жұмыс істеген. Онда бойжеткен қаладағы элиталық тұрғын үй кешенінен пәтерді өте тиімді шарттармен жалға беру туралы хабарландыру жариялайды.
«Үйге көшкісі келетіндер де көп болды. Кем дегенде бес адам үй иесінің шарттарын бірден орындап, оған ай сайынғы пәтер ақысын толық аударып жіберген. Оның үстіне, алданғандардың ешқайсысы пәтерді өз көзімен көрмеген, «пәтер иесінің» сөзіне сеніп қалған. Бұл – азаматтардың ең үлкен қателігі. Өзіңіз көз жеткізбеген нәрсеге ешқашан ақша төлемеу керек», - деді, Бостандық аудандық ПБ-на қарасты полиция бөлімінің бастығы Мұхамедәлі Сейсенұлы.
Спикердің айтуынша, күдікті ұсталды және қамауға алынды. Оның осыған ұқсас басқа да эпизодтарға қатысы бар-жоғы тексерілуде.
ҚР ҚК-нің 201 бабына сәйкес өзге ақпарат тергеу мүддесіне орай жария етілмейді.
ҚР Конституциясының 77 бабы 3-бөлімі, 1-тармағы, ҚР ҚК-нің 19-бабы 1-тармағына сай кез келген азамат сот шешімі заңды күшіне енгенге дейін кінәсіз деп саналады.
