Қарағанды облысында 43 адамнан коронавирус анықталды

Қарағанды облысында коронавирус инфекциясын жұқтырған 43 адам тіркелді, деп хабарлайды COVID-19 таралуына жол бермеу жөніндегі ведомствоаралық комиссия.

ПТР диагностикалық зерттеу нәтижелері бойынша 43 адамда COVID-19 вирусы анықталды, тіркелген азаматтар скрининг барысында және вирусты жұқтырғандармен жақын байланыста болғандарды тексеру нәтижесінде анықталды.

«Науқастар ішінде Қарағанды қаласында – 18 адам, Теміртау қаласында – 19, Саран қаласында – 2, Абай ауданында – 2 және Шет ауданында 2 адам бар. Барлығы жұқпалы аурулар стационарына жатқызылды», - делінген хабарламада.

Қазіргі уақытта науқастардың жағдайы қанағаттанарлық, ем алып жатыр. Ошақтарда дезинфекциялық шаралар жүргізілді.  

Қазір таңда облыста вирусты жұқтырған 705 адам анықталды, оның ішінде 3 науқас қайтыс болған және 193-і жазылып шыққан.