Көпқабатты үйдің оныншы қабатындағы пәтерден өрт шыққан
Астанада 26 қаңтар 2025 жылы Сембинов көшесіндегі көпқабатты үйдің оныншы қабатындағы пәтерден өрт шығып, бес адам құтқарылды, деп хабарлайды Azattyq Rýhy.
Өрт пәтердегі ұйықтайтын бөлмеден басталып, көрші бөлмелерге таралу қаупі болған. Жедел жеткен төтенше жағдайлар қызметкерлері көрші пәтер арқылы баспалдақпен бес адамды, оның ішінде үш баланы, эвакуациялады.
«Оқиға орнына жедел жеткен құтқарушылар өрттің көрші бөлмелерге таралуына жол бермей, оны тез арада оқшаулап, сөндірді», – деп мәлімдеді ҚР Төтенше жағдайлар министрлігінің баспасөз қызметі.
Оқиға салдарынан ешкім зардап шеккен жоқ. Қазіргі уақытта өрттің шығу себебі анықталып жатыр.