Бірнеше өңірде қатты жел мен шаңды дауыл соғады - Қазгидромет

Қазақстанның бірқатар өңірінде қатты жел мен шаңды дауыл соғуы ықтимал, деп хабарлайды Azattyq Rýhy тілшісі «Қазгидромет» РМК-ға сілтеме жасап.

25 мамыр күні Қызылорда облысында солтүстік-шығыстан, шығыстан жел соғып, жылдамдығы түнде 15-20 м/с, күндіз 15-20, кей жерлерде 25 м/с-ке жетеді.

26 мамырда Ақмола облысының кей жерлерінде найзағай ойнап, шаңды дауыл соғады және бұршақ жауады. Желдің бағыты батыстан солтүстікке ауысып, 15-20 м/с болады. Көкшетауда 26 мамыр күндіз батыс желінің бағыты солтүстікке ауысып, екпіні 15 м/с-ке жетеді.

25 мамыр күні Маңғыстау облысының кей жерлерінде 39 градусқа дейін аптап ыстық болуы ықтимал. 26 мамырда Павлодар облысында оңтүстік-батыс желі солтүстікке ауысып, екпіні 15-20, кей жерлерде 25 м/с, 27 мамыр түнде 15-20 м/с болады.

Павлодарда 26 мамыр күндіз, 27 мамыр түнде оңтүстік-батыс желінің бағыты солтүстікке ауысып, екпіні 15-20 м/с-ке жетеді.

26 мамырда Солтүстік Қазақстанда түнде және таңертең тұман түсуі ықтимал. Батыстан соққан желдің бағыты солтүстікке ауысып, жылдамдығы түнде 15-20 м/с, күндіз 15-20, екпіні 25 м/с болады.

Петропавлда 26 мамырда батыстан соққан желдің бағыты солтүстікке ауысып, жылдамдығы 15-20, екпіні 25 м/с болуы мүмкін.