Қазақстанның бес облысында ауа райына байланысты тасжолдар жабылды

«ҚазАвтоЖол» компаниясының мәліметінше, 21 қаңтар күні сағат 10.00-дегі жағдай бойынша Қазақстанның тағы бес облысында республикалық маңызы бар жолдарда көлік қозғалысы шектелді, деп хабарлайды Azattyq Rýhy.

21 қаңтарда еліміздің бірнеше өңірінде ауа райы қолайсыз болып тұр – бұрқасын соғып, қар жауып, жолдарда көру мүмкіндігі төмендеді. Осыған байланысты ірі магистральдарда көлік қозғалысын шектеу туралы шешім қабылданды. Жолдардың келесі учаскелері жабылды:

• Қостанай облысы – Жезқазған – Петропавл автомобиль жолының Ұлытау облысының шекарасынан Ақмола облысының шекарасына дейінгі учаскесі;
• Ақмола облысы – Жезқазған – Петропавл автомобиль жолының Қостанай облысының шекарасынан Державинск қаласына дейінгі учаскесі;
• Ұлытау облысы – Жезқазған – Петропавл тасжолының Ұлытау ауылынан Қостанай облысының шекарасына дейінгі учаскесі.

Мұнда жолдар 22 қаңтар күні таңғы сағат 8-де ашылады деп күтіліп отыр.

Бұл ретте Алматы облысындағы «Алматы-Өскемен» тасжолының терминалынан Жетіген ауылына дейінгі бөлігінде, сондай-ақ Әйтеке би кентінен Қызылордаға дейінгі учаскеде, яғни Қызылорда облысындағы Жезқазған-Петропавл тасжолында көлік қозғалысына шектеулер енгізілді.

Бұл аймақтарда көлік қозғалысы 21 қаңтарда сағат 13:00-ге дейін ашылады деп жоспарланып отыр.