Шетелден келгендер 2 тәулік стационарда жатады

ҚР Бас мемлекеттік санитар дәрігер Айжан Есмағамбетованың бекіткен қаулысы бойынша, шетелден келгендер 2 тәулікке стационарға жатқызылады. Осы уақыт ішінде оларға коронавирустың белгілерін анықтайтын зертханалық тексеру жүргізіледі, деп хабарлайды Azattyq Rýhy тілшісі.

«Егер ауру белгісі бар болса, провизорлық стационарға емдеуге жатқызылады. Ресми делегация өкілдері мен консулдық мекемелердің және халықаралық ұйым өкілдерінің қызметкерлері бұл талаптан босатылған. Ал бес күн ішінде COVID-19 жоқтығын растайтын анықтаманы алып, Қазақстанға келгендер 14 күн бойы өз үйінде оқшаулануы тиіс. Ондай мүмкіндігі жоқтар карантиндік стационарға жатқызылады», - деп жазылған қаулыда.