Азамат Есқараев әділет министрі лауазымынан босатылды

Әділет министрі болған Азамат Есқараев қызметінен босатылды, деп хабарлайды Azattyq Rýhy.

«Мемлекет басшысының жарлығымен Азамат Несіпбайұлы Есқараев Қазақстан Республикасының әділет министрі лауазымынан босатылды», - делінген Ақорда хабарламасында.

Ол 1979 жылы 7 қазанда Алматы қаласында дүниеге келді. Қазақ мемлекеттік заң академиясын бітірген.

1996 жылы Алматы қаласындағы ДЭЗ-2 жұмысшысы болып бастады.
2000-2002 жж. – Әділет министрлігі Заңнама департаментінің бас маманы.
2002-2003 жж. – Қазақстан Республикасы Әділет министрлігі Заңнама департаментінде бөлім басшысы, басқарма басшысы.
2003-2005 жж. – Әділет министрлігі Заңға тәуелді актілер департаменті бөлімінің басшысы.
2005-2006 жж. – Алматы қаласы әкімдігінің бас инспекторы.
2006-2007 жж. – «Қазына» орнықты даму қоры» АҚ Заң қызметтері департаментінің бас менеджері.
2007 жж. – Әділет министрлігінің құқықтық мәселелері жөніндегі консультанты, Ішкі әкімшілік департаментінің жетекші маманы.
2007-2008 жж. – Әділет министрінің көмекшісі.
2008-2009 жж. – Әділет министрлігінің Талдау және стратегиялық жоспарлау департаментінің директоры.
2009-2014 жж. – Әділет министрлігі Заңнама департаментінің директоры.
2014-2019 жж. – Премьер-министр Кеңсесінің Заң бөлімі меңгерушісінің орынбасары.
2019 жылғы маусымнан бастап – Премьер-министр Кеңсесі Заң бөлімінің меңгерушісі.
2023 жылы 4 қаңтарда Әділет министрі болып тағайындалған.