Өрт кезінде құрылысшылар жөндеу жұмыстарын жүргізіп жатқан
Тараз қаласында 15-ықшамауданда орналасқан жаңа үшқабатты мектеп ғимаратында өрт болды, деп хабарлайды Azattyq Rýhy ҚР ТЖМ баспасөз қызметіне сілтеме жасап.
«Өрт сөндірушілер оқиға орнына жеткенде ғимараттың бірінші қабатынан қою түтін шығып жатты. Өрт кезінде ғимаратта құрылысшылар жөндеу жұмыстарын жүргізіп жатқан. Адамдар өз бетінше эвакуацияланған», — деп жазылған хабарламада.
Құтқарушылар 80 шаршы метр аумақтағы өртті сөндірді. Қайтыс болғандар мен зардап шеккендер жоқ. Алдын ала болжам бойынша, өрттің себебі – электр сымдарының қысқа тұйықталуы.