Тоқаев ұшақ апатына байланысты Оңтүстік Корея халқына көңіл айтты

Оңтүстік Кореяда ұшақ апатынан 179 адам қаза тапты

Фото: Yonhap

Мемлекет басшысы Қасым-Жомарт Тоқаев Корея Республикасы президентінің міндетін атқарушы Чой Сан Мокқа көңіл айту жеделхатын жолдады. Бұл туралы Azattyq Rýhy Ақорданың баспасөз қызметіне сілтеме жасап хабарлайды.

Қасым-Жомарт Тоқаев Муан әуежайында болған ұшақ апатының салдарынан көптеген адамның қаза тапқаны туралы суыт хабарды терең күйзеліспен қабылдағанын жеткізді.

Президент жақындарынан айырылған отбасыларға және барша достас корей халқына көңіл айтып, апаттан зардап шеккен азаматтардың тезірек сауығып кетуіне тілектестік білдірді.

Айта кетейік, осыған дейін Оңтүстік Кореяда ұшақ апатынан 179 адам қаза тапқаны хабарланған болатын.

Мақалада

#Қасым-Жомарт Тоқаев #Оңтүстік Корея #Ұшақ апаты #көңіл айту

Алдыңғы жаңалық

Атырауда жедел жәрдем дәрігерлері әйелді үйінде босандырып, егіз балалармен әдемі суретке түскен