Ер адам көлігімен қарға батып қалған
Қарағанды облысындағы Самарқанд су қоймасы маңында жеңіл автокөлігімен қар құрсауында қалған балықшы құтқарылды, деп хабарлайды Azattyq Rýhy ҚР Төтенше жағдайлар министрлігінің баспасөз қызметіне сілтеме жасап.
Таңертең Теміртау қаласы маңында балық аулауға шыққан ер адам көлігімен қарға батып қалып, құтқару қызметіне хабарласқан.
«Құтқарушылар оқиға орнына жедел жетіп, балықшыны аман-есен Теміртауға жеткізді. Зардап шеккен азаматқа медициналық көмек қажет болған жоқ», – деп хабарлады министрлік.
ҚР Төтенше жағдайлар министрлігі азаматтарға ауа райы болжамын мұқият қадағалап, қолайсыз жағдайда алыс сапарлардан бас тартуды ұсынады.