«ҚазАвтоЖол» мәлімдеме жасады
Қазақстанның оңтүстік тұсында ауа райына байланысты жолдар жабылады, деп хабарлайды Azattyq Rýhy.
«ҚазАвтоЖол» мәліметінше, ауа райының нашарлауына байланысты таңертеңгі сағат 7-ден бастап «Алматы-Тау турбазасына кіреберіс» Республикалық маңызы бар автожолының Жүздібастау кентінен Бесқайнарға дейінгі 0-ден 15 км-ге дейінгі учаскесі жабылды. Шектеу жүк және қоғамдық көлік түрлері үшін қолданылады.
Жамбыл облысы. Сағат 9:00-де «Алматы-Ташкент-Термез» республикалық маңызы бар автожол учаскесінде Айша-бибі кентінен Түркістан облысының шекарасына дейін 534-тен 593 км-ге дейін автокөліктің барлық түріне шектеу енгізілді.
Түркістан облысы. Сағат 09:00-де «Алматы-Ташкент-Термез» республикалық маңызы бар автожол учаскесінде Жамбыл облысының шекарасынан Қарабұлақ ауылына дейін 593-тен 674 км-ге дейін автокөліктің барлық түріне шектеу енгізілді.