Жәнібек Әлімханұлы өзіне қарсылас ретінде әлем чемпионын таңдады

Орта салмақта WBO және IBF тұжырымдары бойынша әлем чемпионы, қазақстандық боксшы Жәнібек Әлімханұлы (16-0, 11 KO) WBA белбеуінің иегері кубалық Эрисланди Ларамен (31-3-3, 19 KO) жекпе-жек өткізу туралы идеясын айтты, деп хабарлайды Azattyq Rýhy Sports.kz сайтына сілтеме жасап.

«Лара туралы не ойлайсыздар? Ол менімен жұдырықтаса ма, әлде қашып кетеді ме?», – деп жазды Әлімханұлы әлеуметтік желідегі X парақшасында жанкүйерлеріне.

Еске салайық, Жәнібек Әлімханұлы соңғы жекпе-жегін биыл 4 қазанда Австралияның Сидней қаласында өткізген болатын. Тоғызыншы раундта ол Жаңа Зеландиядан келген қарсыласы Андрей Михайловичті (21-1, 13 KO) нокаутпен жеңген еді.