Ол Сеулдің шығысындағы қамау орталығына жіберілді
Оңтүстік Кореяның бұрынғы қорғаныс министрі Ким Ён Хён мемлекетке опасыздық жасады деген айыппен тұтқындалып, Сеулдің шығысындағы қамау орталығына жіберілді, деп хабарлайды Azattyq Rýhy Yonhap басылымына сілтеме жасап.
«Прокуратура президент Юн Сок Ёльдің өткен аптада әскери жағдай жариялауына байланысты Ким Ён Хёнды тергеп, тұтқындағанын мәлімдеді. Арнайы тергеу штабы экс-министрдің ұялы телефонын тәркілеп, тергеу жүргізіп жатыр», — деп жазылған хабарламада.
Ким Ён Хён президент Юн Сок Ёльге әскери жағдай енгізуді ұсынғаны белгілі болды. Президент бұл шешімді сейсенбі күні кешкісін жариялаған.