Бұл-күн сайынғы көрсеткіш
Ақмола облысының басшысы Марат Ахметжанов Ақмола облысы елорданың негізгі азық-түлік жеткізушісі екенін айтты, деп хабарлайды Azattyq Rýhy.
«Ақмола облысы елордаға ауыл шаруашылығы өнімдерін жеткізуде негізгі рөл атқарады және азық-түлік белдеуінің негізін қалап отыр. Мемлекет басшысының тапсырмасына сәйкес, құрамына өңірдің 17 ауданы кіретін 300 шақырымдық аймақ белгіленді. Ауыл шаруашылығы қызметкерлерінің алғашқы форумында президент облысты Астананың «азық-түлік белдеуі» статусына толық сәйкес келетінін атап өтті. Күн сайын шамамен 80 тонна ет және ет өнімдері, 320 тонна сүт өнімдері, 700 мыңға жуық жұмыртқа және 25 тонна ұн жеткізіледі», - деді Марат Ахметжанов орталық коммуникациялар қызметінде өткен брифингте.
Ол атағандай, атқарылып жатқан жұмыстардың арқасында Астананың азық-түлікпен қамтылу деңгейі едәуір артқан.
«Елорданың ет және сүт өнімдеріне деген қажеттілігі – 30%-дан астам, сол сияқты жұмыртқа – 80%, картоп – 85%, көкөніс – 20% қамтамасыз етілген. Бұл азық-түлік тұрақтылығына ықпал етіп, өңірде ауыл шаруашылығының дамуын ынталандырады. Ақмола облысы елорда тұрғындары үшін азық-түліктің қолжетімділігі мен сапасына кепілдік беріп, сенімді серіктес ретіндегі позициясын нығайтып жатыр», - деді облыс әкімі.