Оларға қамауға алынып, тергеу жүргізіліп жатыр
Қызылорда облысының Арал ауданына қарасты Сексеуіл ауылында жойылып кету қаупі бар жануарлардың мүйізін сатумен айналысқан азаматтар ұсталды. Бұл туралы Azattyq Rýhy агенттігі Polisia.kz-ке сілтеме жасап хабарлайды.
Олардан жалпы салмағы 400 келі болатын 2038 киік мүйізі, электронды таразылар және екі автокөлік тәркіленді.
Күдіктілер уақытша ұстау изоляторына қамалды. Қазіргі уақытта сотқа дейінгі тергеу жүргізіліп жатыр.