Ақмола облысында мектеп директоры мен мұғалім алаяқтарға 25 млн теңге аударып жіберген

Степногорск қаласынан келген екі оқытушы алаяқтардың арбауына түсіп, 25 млн теңгесінен айырылды, деп хабарлайды Azattyq Rýhy.

Облыстық Полиция департаментінің мәліметінше, алғашқы арыз биыл маусым айында Степногорск қаласының полиция басқармасына жергілікті мектептердің бірінің 61 жастағы директорынан түскен. Жәбірленуші белгісіз адамдар оның ақшасын алдау арқылы иемденгенін айтты. Залал сомасы – 19,5 млн теңгеден астам.

Екінші факт осы жылдың тамыз айында тіркелді. Зардап шеккен адам, бірінші жәбірленуші – директор жұмыс істеген мектептің мұғалімі болып шықты. Залал сомасы 5,5 млн теңгеден асты.

«Зардап шеккендер бір дауыспен ҚР күш құрылымдарының және Ұлттық банктің қызметкерлері шыққанын айтты. Кейінірек зардап шеккендер оларға несие ресімделгенін және тағы бірнеше несие алуға әрекет жасалып жатқанын білді. Мұндай хабарламалардан әйелдер, әрине, күйзеліске ұшырады. Нәтижесінде олар 25 млн теңгеден астам сомаға зардап шекті.

Осыған байланысты полицейлер азаматтардан қаскүнемдердің айла-амалдарына берілмеуін сұрайды. Мұндай жағдайларда тексеру үшін банктердің байланыс орталықтарына немесе құқық қорғау органдарына дереу қоңырау шалған дұрыс», - делінген Полиция департаментінің хабарламасында.