Бұл қаражат 2019-2024 жылдар аралығында мектеп қажеттіліктеріне бөлінген
Ақтөбе облысында №48 жалпы білім беретін мектептің бухгалтері 238 млн теңге бюджет қаражатын заңсыз иемденгені анықталды, деп хабарлайды Azattyq Rýhy.
Есепші 2019-2024 жылдар аралығында мектеп қажеттіліктеріне бөлінген қаражатты қызмет бабын пайдалана отырып иемденгені белгілі болды.
Иемденіп алу схемалары жалақыны белгіленген нормадан тыс аудару, қос демалыс беру арқылы жүзеге асырылған.
«Есепші Г.-ның іс-әрекеті ҚК-нің 189-бабының 4-бөлігінің 2-тармағымен (аса ірі мөлшерде cенiп тапсырылған бөтен мүлiктi иемденiп алу немесе талан-таражға салу) сараланды.
Арнайы прокурорлармен қылмыстық іс мәні бойынша қарау үшін Ақтөбе қаласының №2 сотына жолданды.
24.10.2024ж. сотпен есепші Г. кінәлі деп танылып, 7 жылға материалдық жауапкершілік лауазымдарды атқару құқығынан айырыла отырып, 6 жылға бас бостандығынан айырды», - делінген облыстық прокуратураның хабарламасында.