Жалға алу төлемдері учаске көлеміне байланысты 50 мыңнан 500 мың теңгеге дейін өзгеріп отырады
Ақтөбе қаласында бес жылдан бері Қалалық саябақ жерін жалға алу төлемдері бюджетке аударылмаған, деп хабарлайды Azattyq Rýhy «Диапазон» басылымына сілтеме жасап.
Басылымның мәліметінше, саябақта ондаған кәсіпкер балаларға арналған көліктерді жалға беру, велосипедтер, фастфуд киоскілері мен аттракциондар үшін жер учаскелерін жалға алады. Саябақты күтіп ұстауға жауапты «Қызмет Ақтөбе» мекемесі қалалық ТҮКШ бөлімінің жанында жұмыс істейді.
«Кәсіпорын саябақ аумағындағы жер учаскелерін жалға алу туралы кәсіпкерлермен келісімшарттар жасасқан. Жалға алу төлемдері учаске көлеміне байланысты 50 мыңнан 500 мың теңгеге дейін өзгеріп отырады. Антикоррупциялық қызметтің мәліметінше, соңғы бес жыл ішінде кәсіпкерлерден түсетін бұл қаражат бюджетке кірістелмеген және аударылмаған», – деп жазады басылым.
Төлемдер көлемі мен олардың қайда жұмсалғаны туралы нақты ақпарат белгісіз. Антикор өкілдері ведомствоаралық комиссия отырысында мемлекеттік орган тарапынан «Қызмет Ақтөбе» мекемесінің жұмысына бақылаудың болмағанын атап өтті.