Оқиға 11 қазан күні түскі уақытта болған
Ақтауда 17 жастағы жасөспірім жыныс мүшесін көрсетіп, лифтіде 5 және 13 жастағы қыздарға шабуыл жасады. Балалардың анасы күдіктіні жауапқа тартуға тырысуда. Оқиға туралы «Не молчи KZ» қоры жазды. Бұл іске қатысты Маңғыстау облыстық ПД баспасөз қызметі түсініктеме берді, деп хабарлайды Azattyq Rýhy.
Қыздардың анасы «Не молчи KZ» қорына қазіргі жағдайды айтып, көмек сұраған.
«11 қазан күні түскі уақытта подъезге кірген. 13 жастағы қыз бала жігітті рюкзагының жарқырағанынан бірден байқап, оны бұрын көрмегенін, жаңадан келген көрші болар деп ойлайды. Ол қыздардан бұрын подъезге кіріп үлгерген. Арада 2-3 минут өткенде анасы телефонының камерасын қосып, жүгіріп шығады. Себебі қызы қоңырау шалып, біреу ренжіткенін айтып жылайды.
Белгілі болған, жас жігіт оларды кіреберісте күтіп алып, артынша лифт жабылмай жатып, жыныс мүшелерін ашып кіріп, қыздарға тиісе бастаған. 13 жастағы қыз бала сілейіп қатып қалып, мүлде қозғала да, айқайлай да алмай қалады. Бес жастағы сіңілісінің үрейленген көздерін көргенде ғана «жүгір, жүгір» деп айта алған. Содан кейін ғана олар далаға жүгіріп шыққан.
Қыздардың анасы балаларын дереу учаскелік полиция қызметкеріне апарды. Камерада түсіп қалған видео оқиғаны дәлелдейді. 12 қазанда ол сол жерде болғанын мойындағанмен, мұндай әрекет жасамағанын айтты», - деп жазды аталмыш қор.
Ұйымның хабарлауынша, қыздардың ата-анасы полицияға арыз жазған, бірақ қазіргі уақытта іс бойынша ешнәрсе қабылданып жатқан жоқ. Мәліметтер бойынша, жәбірленушілердің анасы күдіктіні 16 қазанда өз ауласында көрген.
«Жігіттің туыстары анасына келіп, арызынан бас тартуын өтінген. Олардың нақты мекенжайын кім берді? Полиция ма? Оның кінәсі жоқ, спортшы, білімді оқушы, сынып старостасы екені айтылды. Біз ол жігітті көрдік: иә, шынында да, ұзын бойлы, келбетті жігіт екен. Бірақ неліктен мұндай іске барды? Бұл қылмыс үшін жаза бар. Анасы қарызға белшесінен батып, адвокат жалдаған әріі арызынан бас тартпайды. Өйткені бұл жігітті қазір тоқтатпаса, одан да ауыр қылмыстарға баруы мүмкін», - деп жазды «Не молчи KZ» қоры.
Маңғыстау облыстық ПД баспасөз қызметі болған оқиғаға қатысты жауап берді, деп жазады Lada.kz.
«Кәмелетке толмаған күдікті ұсталып, полицияға жеткізілді. Сексуалдық сипаттағы әрекеттерге қатысты қылмыстық іс қозғалды. Қазіргі уақытта оқиғаның мән-жайын анықтау бойынша жедел-іздестіру шаралары жүргізілуде. Басқа ақпарат тергеу мүддесі үшін жарияланбайды», деп хабарлады ведомство.