Ұсталған адамдар одан әрі қаралуы үшін полиция органдарына берілді
ҰҚК Шекара қызметі мемлекеттік шекарадағы өткізу пунктерінде жыл басынан қос азаматтығы бар 1000-ға жуық адамды анықтады, деп хабарлайды Azattyq Rýhy.
Ал 14 мен 16 қазан күндері басқа мемлекеттің азаматтығы бар Қазақстан Республикасының жеті азаматын ұстады.
Ұсталған адамдар одан әрі қаралуы үшін полиция органдарына берілді.
«Жыл басынан бері шекарашылар қос азаматтығы бар 935 адамды анықтады. ҰҚК Шекара қызметі ҚР заңнамасына сәйкес екінші азаматтықтың болуы 200 АЕК-ке дейін айыппұлмен немесе әкімшілік шығарып жіберумен жазаланатынын еске салады», - делінген хабарламада.