Нөсер жаңбыр салдарынан су тасқынына ұшыраған елдердің қатарында Черногория да бар
Босния және Герцеговинада су тасқындары мен көшкіндер салдарынан кем дегенде 16 адам қаза тапты. Қайтыс болғандар саны артуы мүмкін, өйткені жоғалған адамдарды іздестіру жұмыстары жалғасуда. Көршілес елдерде де жағдай ушығуда, деп хабарлайды Azattyq Rýhy Euronews-ке сілтеме жасап.
Күшті нөсерлердің салдарынан болған су тасқындары мен көшкіндерден кейін Босния және Герцеговина үкіметі төтенше жағдай жариялады.
Табиғи апаттан елдің орталық және оңтүстік бөлігіндегі бірнеше қалалар мен ауылдар зардап шекті. Құтқару қызметтері жоғалғандарды іздестіруді жалғастыруда және еріктілерден көмек сұрады.
Жолдар жабылып, үйлер жарықсыз қалды. Ябланица және Киселяк қалаларында электр қуатының болмауы және байланыс ақаулары құтқару жұмыстарын одан әрі қиындатты.
Босния және Герцеговина Қорғаныс министрі Зукан Хелез зардап шеккен аймақтарға көмек көрсету үшін қарулы күштерді жұмылдыруды бұйырды.
Көршілес Хорватияда нөсер жаңбыр мен күшті жел салдарынан бірнеше жолдар жабылды.
Загребте де Сава өзенінің тасу қаупіне байланысты дайындық жұмыстары жүргізілуде. Словенияда да жағдай ұқсас, онда қатты жаңбыр салдарынан үш өзен тасып кетті.
Нөсер жаңбыр салдарынан су тасқынына ұшыраған елдердің қатарында Черногория да бар, мұнда бірнеше ауылдардан байланыс үзіліп, жолдар мен үйлер су астында қалды.