Түркияға барған шетелдіктер саусақ іздерін тапсырады

Бұл туралы осы елдің ішкі істер министрі Әли Ерлікая мәлімдеді

Фото: istockphoto.com

Түркияда заңсыз иммигранттармен күресу мақсатында елге кіретін барлық шетелдік азаматтың саусақ іздері алынады. Бұл туралы Түркия ІІМ басшысы Әли Ерлікая мәлімдеді, деп хабарлайды Azattyq Rýhy Sabah-қа сілтеме жасап.

«Түркияға кірген кезде АҚШ пен Ұлыбританиядағыдай саусақ іздері алынады», - делінген басылымда.

Алайда, бұл өзгеріс қашаннан бастап іске қосылатыны белгісіз.

Сондай-ақ, министр уақытша қорғау мәртебесін алғандардың жеке куәліктерін чиптеу жоспарланғанын хабарлады. Бұл шара, әсіресе, Сириядан келгендерге әсер етеді.

Айта кетерлігі, Түркияда 4,4 миллионнан астам шетелдік азамат, оның ішінде 3 миллионнан астам Сирия азаматы бар.

Мақалада

#Түркия #Сирия #Иммигранттар #саусақ іздерін тапсыру

Алдыңғы жаңалық

Байқоңырдан «Союз-2.1а» зымыраны ұшты