11 айыппұл салынды
Шағын авиацияға жататын 3 әуе компаниясы мен 4 ұшқыш әкімшілік жауапкершілікке тартылды. Бұл – Қазақстанның авиациялық әкімшілігі жүргізген тексерулер нәтижесінде қабылданған шешім, деп хабарлайды Azattyq Rýhy.
Шілде айында 10 авиакомпанияны іріктеп тексеру жүргізілді. Көлік министрлігінің Азаматтық авиация комитеті шағын авиацияға жататын 3 әуе компаниясы мен 4 ұшқышқа ҚР Азаматтық авиация саласындағы нормативтік құқықтық актілерді бұзғаны үшін 11 айыппұл салды.
Тексеріс қорытындысына сәйкес, әуе кемелерін пайдалану кезінде азаматтық авиация саласындағы нормативтік құқықтық актілердің мынадай талаптарын бұзушылықтар анықталды:
Жоспардан тыс тексерулер жүргізу бойынша жұмыстар жалғасуда. Тамыз айында 6 пайдаланушыны тексеру жоспарланған.
Еске салайық, 21 шілдеде Державинскіден 10 шақырым қашықтықта Ан-2 ұшағы апатқа ұшырады. Қазақстанның авиациялық әкімшілігі шағын авиация ұшулары қауіпсіздігі бойынша шараларды күшейтетінін мәлімдеді.