Таудағы қауіпсіздік: құтқарушылар сақтық ережелерін қатаң сақтауға шақырды

ҚР ТЖМ таудағы қауіпсіздік ережелерін қатаң ұстануға шақырды. Бұл туралы Azattyq Rýhy ведомствоның баспасөз қызметіне сілтеме жасап хабарлайды.

Құтқарушылар мынандай ережелерді еске салды:

• өз маршрутыңызды егжей-тегжейлі зерттеңіз;
• сел қаупі бар жерлерден аулақ болыңыз, әсіресе жаңбырдан кейін;
• жақындап келе жатқан сел ағынының шуын естігеннен кейін бірден 50-100 метр жоғары көтерілу керек;
• сел тасқыны өмірге қауіп төндіретін салмағы үлкен тастар лақтыру мүмкін екенін есте сақтау қажет;
• есіңізде болсын, сел ағынынан тек қашу арқылы құтылуға болады;

«112 бірыңғай нөмірінен ескертулерін қадағалаңыз, сел қаупі төнген жағдайда тауға баруды кейінге қалдырыңыз. Осы шараларды қолдана отырып, сіз өзіңіздің және жақындарыңыздың өмірін сақтай аласыз», - делінген хабарламада.