Бүгін Қазақстанның бірқатар өңірінде жауын жауады
Бүгін еліміздің басым бөлігінде ауа райы құбылмалы болады. Бұл туралы «Қазгидромет» РМК баспасөз қызметі хабарлады.
«Синоптиктердің болжамы бойынша Қазақстанның бірқатар өңірінде бүгін жауын жауады, жекелеген аудандарда мол көлемде жаууы ықтимал. Найзағай ойнап, күшті жел тұруы, бұршақ түсуі де мүмкін. Еліміздің бірқатар бөлігіне тұман түседі», - делінген хабарламада.
Түркістан облысында күшті жел тұрып, жылдамдығы секундына 15-20 метрге, екпіні 23-28 метрге жетеді.
Жамбыл облысының кей жерлерінде жел секундына 15-20 метр жылдамдықпен ұйтқиды. Күндіз желдің екпіні секундына 23-28 метрге жетуі ықтимал, кей жерлерге бұршақ жауады.
Қызылорда облысында жел күшейіп, жылдамдығы секундына 15-20 метрге жетеді, күндіз 15-20 метр болады. Кей жерлерде екпіні 23-28 метрге дейін барады. Жел артынан бұршақ жаууы мүмкін.
Күндіз Атырау, Ақтөбе, Павлодар, Шығыс Қазақстан облыстарының кей жерлерінде жел тұрып, жылдамдығы секундына 15-20 метрге жетеді.
Қарағанды облысында күшті жел тұрады, жылдамдығы секундына 15-20 метр болады.
Солтүстік Қазақстан, Қостанай, Батыс Қазақстан облыстарында тұман түсіп, күндіз желдің жылдамдығы секундына 15-20 метрге жетеді.
Ақмола облысына тұман түсіп, бұршақ жауып, жел секундына 15-20 метр жылдамдықпен ұйтқиды.