Жаңбыр, бұршақ, найзағай: шілдеде қазақстандықтарды қандай ауа райы күтеді

Елімізде 2024 жылдың шілде айына арналған ауа райы болжамы Қазгидрометте ұсынылды, деп хабарлайды Azattyq Rýhy.

Шілденің бірінші онкүндігінде Қазақстанның басым бөлігінде циклонмен және атмосфералық фронтальды бөлімдермен ауа-райының тұрақсыз сипаты сақталады. Жаңбыр жауады, солтүстік-батыста, солтүстікте және Қазақстанның оңтүстік-шығысындағы таулы аймақтарда қатты жаңбыр жауады, найзағай, бұршақ және қатты жел күтіледі.

Синоптиктер ауа температурасының төмендейтінін болжады:

• елдің солтүстігінде, шығысында түнде +10+15°С дейін, күндіз +18+28°С дейін;
• республиканың орталығында түнде +10+18°С дейін, күндіз +22+28°С дейін;
• оңтүстік-шығыста түнде +15+20°С дейін, күндіз +22+30°С дейін.

Тек елдің батысы мен оңтүстігінде температура түнде +12+17°С-тан +20+28°С-қа дейін, күндіз +27+32°С-тан +35+43°С-қа дейін көтеріледі деп күтілуде.

Екінші онкүндіктің басында, яғни, 11 шілдеден бастап, республиканың басым бөлігінде күн қайта ысиды.