COVID-19 жұқтырғандар саны 2,9 миллионнан асты
Американың Джон Хопкинс университетінің мәліметі бойынша, әлемде коронавирустан қайтыс болғандар саны 203 мыңнан асты. 2,9 миллион адамға вирус жұққан. Жазылып шыққандар саны 830 мыңнан асады, деп хабарлайды Azattyq Rýhy тілшісі.
Індеттен ең көп зардап шеккен АҚШ-та 930 мыңнан астам адамнан вирус табылған. 50 мыңнан астам адам қайтыс болған. Италияда 26 мыңнан астам адам қайтыс болған, 195 мың науқас бар. Испанияда вирустан 22 600 адам көз жұмған, 224 мың адам COVID-19 ауруына шалдыққан.
Айта кету керек, Қазақстанда коронавирус жұқтырғандан саны 2600-ден асты. 646 адам жазылып шығып, 25 адам қайтыс болды.