Енді орта білім туралы аттестатты Egov Mobile қосымшасынан алуға болады
Биыл 186 мың түлек мектеппен қоштасты
Енді орта білім туралы аттестатты Egov Mobile қосымшасынан алуға болады. Бұл туралы Оқу-ағарту министрлігі мәлімдеді, деп хабарлайды Azattyq Rýhy.
«Цифрлық құжаттардың қатары негізгі орта және жалпы орта білім туралы аттестатпен толықты. Ол енді eGovMobile мобильді қосымшасындағы «Bilim» жаңа қызмет көрсету сервисінде қолжетімді», - делінген ақпаратта.
Құжатты цифрлық нұсқада алу үшін eGovMobile мобильді қосымшасындағы «Bilim» сервисіне өту керек. Кәмелетке толмаған балалардың құжаттарын ата-анасы немесе заңды өкілі «Менің балаларым» бөлімі арқылы алады.
Ал бір жыл бұрын қосымшада колледж дипломдары QR-код арқылы беріле бастаған еді.
2023-2024 оқу жылын 820 703 оқушы тәмамдады. Оның ішінде 186 мың түлек мектеппен қоштасты.
