Қазақстандықтар Марокко арқылы визасыз саяхаттай алады

СІМ Үкіметтің «Қазақстан Үкіметі мен Марокко Корольдігінің Үкіметі арасындағы ұлттық/жалпы азаматтық паспорттардың иелерін визалық талаптардан босату туралы келісімге қол қою туралы» қаулысын дайындады, деп хабарлайды Azattyq Rýhy.

Келісімшарт елге бару кезеңінің ұзақтығы 180 күн ішінде күнтізбелік 30 күннен аспауы туралы визасыз режимді енгізуді көздейді.

Төлқұжаттар жарамдылық мерзімі аяқталғанға дейін кемінде 3 ай жарамды болуы керек.

«Бұл ретте, іскерлік мақсатта, жұмысқа орналасу немесе оқу мақсатында екінші тарап мемлекетінің аумағына 30 күнтізбелік күннен артық кіруге және қалуға ниет білдірген тараптың бірі мемлекетінің азаматтары екінші тарап мемлекетінің дипломатиялық өкілдіктерінен немесе консулдық мекемелерінен тиісті виза алуы тиіс», - делінген.

Келісімді бекіту Қазақстан мен Марокко арасындағы қатынастарды нығайтуға және азаматтық паспорттардың иелері үшін визасыз тәртіп орнатуға мүмкіндік береді.

Құжат 25 маусымға дейін ашық талқылау үшін Ашық НҚА сайтында орналастырылған.

Марокко – Солтүстік Африкадағы Атлант мұхиты мен Жерорта теңізі жағасында орналасқан ел.