Ақмола облысында 33 тұрғын алаяқтардың құрбаны болды

Қазіргі уақытта алаяқ анықталып, қамауға алынды

Фото: istockphoto.com

Ақмола облысында 33 тұрғын алаяқтардың құрбаны болды. Бұл туралы облыстық прокуратураның баспасөз қызметінен мәлім етті, деп хабарлайды Azattyq Rýhy.

Тағы да маркетплейстер арқылы тауар сатып алу, сондай-ақ қоңырау шалған «ұялы байланыс операторларына» сену арқылы азаматтар ақшасынан айырылды.

Осы аптада белгісіз тұлға облыс тұрғынына телефон соғып, өзін ҰҚК-нің қызметкерімін деп таныстырып, алаяқтық жолмен 750 мың теңге несие ресімдеген.

Басқа бір жағдайда, OLX арқылы пәтер жалдағысы келген 3 адам алаяққа 115 000 теңге алдын ала төлем аударған.

Қазіргі уақытта алаяқ анықталып, қамауға алынды.

Облыс прокуратурасы сатушының сенімділігіне көз жеткізбей, тауардың толық төлемін аудармауға кеңес береді.

Мақалада

#Ақмола облысы #алаяқтық

Алдыңғы жаңалық

«Мектепке бомба қойылды»: Қостанайда оқушы жалған ақпарат таратқан