Алматы метросында тағы да бюджет қаражатын жымқыру фактісі тіркелді

Алматыда «Метрополитен» КМК қызметкерлері локомотивтерге арналған бастапқы резеңке серіппелерді 137 миллион теңгеге көтерілген бағамен сатып алған. Бұл тұжырымды Метрополитеннің аудиторлық есебі де растады, деп хабарлайды Azattyq Rýhy Бас көлік прокуратурасына сілтеме жасап.

Осыған байланысты көлік прокуратурасы сотқа дейінгі тергеп-тексеруді тіркеді, оны қазіргі уақытта Алматы қаласы бойынша Сыбайлас жемқорлыққа қарсы қызмет жүргізіп жатыр.

Қылмыстық процестік кодекстің 201-бабына сәйкес, тергеу мүддесі үшін басқа ақпарат таратуға жатпайды.