Олар заңда белгіленген мерзімде Қазақстан Республикасының аумағынан шықпаған
Алматының көші-қон қызметі Африка құрлығының 3 азаматын мәжбүрлі түрде елден шығарып, өз мемлекеттеріне кері қайтаруды ұйымдастырды, деп хабарлайды Azattyq Rýhy Алматы қалалық полиция департаментіне сілтеме жасап.
Аталған жұмыс «Заңсыз» жедел-алдын алу іс-шарасы аясында іске асырылды.
«Бұл шетелдіктер Қазақстанда болған кезінде халықтың көші-қоны саласындағы заңнаманы бұзған. Атап айтқанда, олар заңда белгіленген мерзімде Қазақстан Республикасының аумағынан шықпай, сот шешімімен мемлекетімізден шығару түріндегі әкімшілік жазаға тартылды», - деді, Алматы қаласы ПД көші-қон қызметі Басқармасы бастығының орынбасары, полиция полковнигі Геннадий Мен.