Зардап шеккен аймақтарда төтенше жағдайлар қызметі жұмыс істеп жатыр
Германия билігі оңтүстік Бавария штатының тұрғындарын кейбір аудандарда су тасқыны күшейіп жатқандықтан эвакуациялану туралы үндеу жасады. Бұл туралы Azattyq Rýhy агенттігі Euronews-ке сілтеме жасап хабарлайды.
Германияның ішкі істер министрі Нэнси Фезер тұрғындарды төтенше жағдай мамандарының «кез келген ескертулерін мұқият қабылдауға» шақырды.
Баварияның премьер-министрі Маркус Содер Мюнхеннің солтүстік-батысындағы Аугсбург маңында зардап шеккен аудандардың біріне барды, онда бірнеше күн жауған жаңбыр суы су тасқынына себеп болды.
«Жағдай үнемі өзгеріп отырады. Қазір ахуал өте ауыр, әсіресе Аугсбург пен Унтеральгау төңірегіндегі Швабия аймағында. Су деңгейі көтеріліп барады», - деді ол.
Оның айтуынша, зардап шеккен аймақтарда төтенше жағдайлар қызметі жұмыс істеп жатыр және су тасқыны «үлкен» шығын әкелген.
Фишах аудандық кеңсесі адамдарға үйлерінен тез арада кеуге және жерасты автотұрақтары мен жертөлелерге бармауға кеңес беретін бұйрық шығарды. Кейбір адамдарды тікұшақпен эвакуациялауға тура келді.
Германияның құтқарушылар одағының қызметкерлері тұрғындарды қайықтармен алып шықты, сол сияқты тракторлар мен тікұшақ пайдаланылды.
Қазір алты округте төтенше жағдай жарияланды. Метеорологтар тағы да жаңбыр жауып, күн күркірейді деп ескертеді.