Жүздеген тонна гуманитарлық көмек Жерорта теңізінің шығысындағы кемелерге тиеліп тұр
Газа секторына алғаш рет гуманитарлық жүк қалқымалы пирс арқылы кірді. Жеткізуге жауапты АҚШ-тың орталық қолбасшылығы анклав жағалауына бірде-бір америкалық сарбаз қонбағанын мәлім етті. Бұл туралы Azattyq Ruhy агенттігі Bild басылымына сілтеме жасап хабарлайды.
Газа секторындағы бейбіт тұрғындарға гуманитарлық көмек көрсету операциясына көптеген мемлекет қатысты. Белгіленген жеткізу жолы – теңіз дәлізі арқылы палестиналықтарды азық-түлікпен қамтамасыз ету.
Енді қалқымалы пирс гуманитарлық жүктерді жеткізуге арналған пункт болады. Осыған дейін Газа секторында үлкен жүк кемелерін қабылдайтындай ауқымды порт болмаған. Пентагонның мәліметінше, теңіз дәлізі арқылы бастапқыда тәулігіне 90-ға жуық жүк көлігі, кейіннен 150 жүк көлігі тасымалданады.
Жүздеген тонна гуманитарлық көмек Жерорта теңізінің шығысындағы кемелерге тиеліп тұр, деді АҚШ Орталық қолбасшылығының адмиралы Брэд Купер.
«Бұл 100% гуманитарлық миссия. Қатысқандарға жасалған кез келген шабуыл Газа халқына көрсетілетін көмекке шабуыл болып есептеледі», - деп ескертті ол.