Су басқан өңірлерде 51,5 мыңнан астам адам үйіне оралды – ҚР ТЖМ

Республика бойынша су тасқыны болған өңірлерде 51 506 адам өз үйіне оралды. Бұл туралы Azattyq Ruhy агенттігі ҚР ТЖМ баспасөз қызметіне сілтеме жасап хабарлайды.

Министрлік мәліметіне сәйкес, республика бойынша 10 043 жеке тұрғын үй мен 3 242 аула аумағынан судың бағыты бұрылып, су сорылды.

Су тасқыны басталғалы бері 17,2 млн астам текше метр еріген қар суы сорып шығарылды, 7,7 млн қапшық және 1,5 млн астам тонна инертті материал төселді.