Слндай-ақ, ол полиция подполковнигі шенінен айырылды
Өскемен қаласында пара алған полиция қызметкері 3 жарым млн теңге айыппұл төлейді. Бұл туралы Azattyq Rýhy қалалық №2 сотының баспасөз қызметіне сілтеме жасап хабарлайды.
Соттың мәліметінше, полицей айып тұрағына қойылған автокөліктерді қабылдау-тапсыру актілерін және алуға рұқсаттарды заңсыз бергені үшін 100 000 теңге көлемінде пара алған.
Сот барысында айыпталушы өз кінәсін толықтай мойындап, істегеніне қатты өкінетіндігін білдірді. Істі жеңілдететін мән-жай ретінде оның қарауында кәмелетке толмаған балаларының бары да ескерілді.
«Сот шешімімен полиция қызметкеріне 3 500 000 теңге айыппұл салынды. Ол полиция подполковнигі шенінен айырылды. Үкім әлі заңды күшіне енген жоқ», - делінген ақпаратта.