Хайнаньда жасанды интеллект әзірлеген толықметражды анимациялық фильм таныстырылды

Боаодағы Азия форумы аясында толықметражды анимациялық фильм таныстырылды. Оның ерекшелігі - толықтай жасанды интеллектінің көмегімен әзірленген, деп хабарлайды Azattyq Ruhy.

Қытай төрағасы Си Цзиньпин жаңа техникалық революция кезінде жасанды интеллектінің маңызы зор екенін айтты. 

Қытай медиа корпорациясы әлемдегі ірі медиакорпорациясы болып есептеледі. Ол 70 тілде ақпарат таратады.

«Жаңа технологияларды пайдалану контент әзірлеуде көп мүмкіндік сыйлады. Жасанды интеллект байланыс пен өзара тиімді ынтымақтасуға себепші болды. Бір ай бұрын біздің корпорация жасанды интеллект көмегімен алғашқы анимациялық фильмін әзірлеп шығарды. Ол «Қытай күзі туралы мың өлең» деп аталады. Жаңа жасанды технологиялардың көмегімен қытай поэзиясының эмоция мен әсерін паш етілді. Фильм қоғам тарапынан қолдауға ие болды. Бүгін тағы 3 фильмнің тұсаукесерін жасаймыз»,- деді Қытай медиа корпорациясының төрағасы.

Ол атағандай, бір анимациялық фильмді әзірлеуге бұрын 3-4 ай қажет болатын.

«Қазір жасанды интеллектің көмегімен ол уақыт әлдеқайда қысқарды»,- деді ол.

Еске салсақ, Боаодағы Азиялық форум 26-29 наурыз аралығында өтеді. Форум - Азияның ішкі мәселелерін талқылауға бағытталған алаң. Жиынға ҚР Президенті Қасым-Жомарт Тоқаев қатысады.