Қытайда автобус туннель қабырғасына соғылып, 14 адам қаза тапты
Апат кезінде автобуста барлығы 51 адам болған
Фото: AFP
Қытайдың Шаньси провинциясында жолаушылар автобусы апатқа ұшырап, кем дегенде 14 адам қаза тапты, деп хабарлайды Azattyq Ruhy.
Қытайдың орталық телеарнасының хабарлауынша, жоғары жылдамдықпен келе жатқан автобус туннель қабырғасына соғылған.
«14 адам оқиға орнында қаза тапты. Сондай-ақ жолаушылар арасында жараланғандар да көп, олар ауруханаға жеткізілді. Оқиға кезінде автобуста барлығы 51 адам болған», - делінген CCTV хабарламасында.
Қазіргі кезде оқиғаның себептері анықталып жатыр.