Ауа райының қолайсыздығына байланысты Алматыдан ұшатын рейстер тоқтатылды

Алматы халықаралық әуежайы ауа-райының қолайсыздығына байланысты көктайғаққа қарсы жұмыстарды жүргізу уақытша мүмкін емес екендігін мәлімдеді. Ауа-райы жақсарғанша Алматыдан ұшатын рейстер тоқтатылды, деп хабарлайды Azattyq Ruhy.

Сондай-ақ жергілікті уақыт бойынша сағат 19.00-ден бастап Алматы әуежайы рейстердің ұшып келуін қабылдай алмайды.

Алматы халықаралық әуежайы ауа-райы жақсара салысымен жұмысын жалғастырады.