Жеке медициналық кітапшаны беруді автоматтандыру процесі соңғы кезеңде
Келесі жылдың басынан бастап азаматтардың жеке медициналық кітапшалары (ары қарай – ЖМК) толығымен онлайн-форматқа көшеді, деп хабарлайды Azattyq Ruhy Денсаулық сақтау министрлігінің баспасөз қызметіне сілтеме жасап.
Мұндай жаңашылдық азаматтарға медициналық тексеруден өту уақытын қысқартуға мүмкіндік береді, жұмысқа жіберу туралы мөртабан алу үшін терапевтке қайта бару қажеттілігін болдырмайды.
ЖМК электрондық форматқа ауысқаннан кейін нәтижелерді жеке кабинеттен алуға болады.
«Жеке медициналық кітапшаны беруді автоматтандыру процесі соңғы кезеңде. Қазіргі уақытта медициналық ақпараттық жүйелерді интеграциялау бойынша жұмыс жүргізілуде, соның нәтижесінде «Е-Денсаулық» сервисі «Жеке медициналық кітапша» модулінің деректерін қабылдауды бастайды», - делінген хабарламада.