Даосизм мен конфуцийшілік отаны: Бейжіңде депутаттар ашық есік күнін өткізді

Аягөз Құрмаш

Былтырғы мақсат пен биылғы жоспар белгілі болды

Даосизм мен конфуцийшілік отаны: Бейжіңде депутаттар ашық есік күнін өткізді
Фото: Аягөз Құрмаш

Бейжіңде Шаньдун провинциясының ҚКП-дан сайланған депутаттары ашық есік күнін өткізді, деп хабарлайды Azattyq Ruhy.

Шаньдун провинциясының әкімшілік орталығы - Цзинань қаласы. 2020 жылғы халық санағы бойынша Шаньдунда 101,527 миллион адам өмір сүретіні белгілі болды. Провинция халық саны бойынша Гуандуннан кейінгі екінші орында. Шаньдун провинциясының депутаттары халық алдында есеп беріп, биылғы жұмыстарының жоспарын жариялады.

«Биыл біздің провинция ҚХР-ның дамуында экономикалық, өндірістік және әлеуметтік салада жақсы көрсеткіштерге жетті», - деді ҚКП-ның Шаньдун провинциясы бойынша хатшысы Линь У.

Жоспарға сәйкес, бұл отырыс отандық және шетелдік БАҚ үшін ашық болды. Шаньдун делегациясының басшысы Линь У төрағалық етіп, журналистердің сұрақтарына жауап берді.

Жиында 13 өкіл сөз сөйледі. Депутаттар бас хатшы Си Цзиньпиннің Цзянсу провинциясының делегациясымен талқылау кезінде сөйлеген сөзінде жаңа сапалы өндіргіш күштерді дамыту сияқты бірқатар негізгі теориялық және практикалық мәселелер терең пысықталғаны айтылды.  

Ашық іс-шара белсенді түрде 2 сағаттан астам уақытқа созылды. Журналистер сұхбат өте жемісті болғанын, олар Шаньдунның жаңа келбеті мен жоғары сапалы дамуының жаңа атмосферасын терең сезінгенін атап өтті. 

Шаньдун-Қытайдың Сары теңіз жағалауындағы Шығыс провинциясы, даосизм мен конфуцийліктің отаны ретінде белгілі. Ежелгі уақытта бұл провинцияның аумағында Цинь патшалығы болған, оның билеушісі Цинь Шихуанди біздің заманымызға дейін 219 жылы өзін Тайшань тауындағы Қытайдың алғашқы патшасы деп жариялады. Бұл тау бүгінгі күнге дейін қасиетті. Оның аумағында көптеген шіркеу, тас тақтайшалар және жаяу жүргіншілер жолдары бар.

Шаньдун-Қытайдың ең ірі және дамыған экономикалық аймақтарының бірі.

Провинцияның экономикалық саласының өркендеуі қолайлы географиялық орнына,  шикізат базасының болуына, дамыған өндірістік және көлік инфрақұрылымына, сондай-ақ жоғары білім деңгейіне, технологиялық дамуға және озық технологияларды пайдалануға байланысты.

2020 жылы Шаньдун провинциясының жалпы аймақтық өнімі жыл сайын 3,6% - ға өсіп, 7,31 трлн юаньнан асты.  Шаньдун провинциясында Fortune Global 500 және Forbes Global 2000 тізіміндегі ірі өнеркәсіптік, қаржылық және көлік компаниялары орналасқан, соның ішінде Shandong Energy Group, Yankuang Group / Yanzhou Coal Mining және Huadian Power International компаниялары жұмыс істейді.

2023 жылдың соңындағы жағдай бойынша Шаньдун провинциясының жел және күн электр станцияларының жиынтық белгіленген қуаты 82,28 миллион кВт-тан асты. Фотоэлектрлік электр станцияларының белгіленген қуаты 56,38 миллион кВт құрады, бұл елдегі ең жоғары көрсеткіш болды. Ал жел электр станцияларының белгіленген қуаты 25,91 миллион кВт-қа жетті. Күн мен жел энергиясынан электр энергиясын өндіру 115 млрд кВт/сағ жетті, бұл провинцияның жалпы көрсеткішінің 22,6% құрады.  Шаньдун провинциясында ең төменгі жалақы провинцияның даму деңгейіне, оның аудандарына және өмір сүру құнына байланысты әр түрлі деңгейде белгіленеді.

Еске салсақ, екі сессия барысында Қытай үкіметі де жылды қорытындылап, биылға жоспар құрды.

×
Бұл желілік ресурстың ақпараттық өнімдері 18 жастан асқан адамдарға арналған.