Еліміз бойынша ауа райының тұрақсыз сипаты сақталады
Синоптиктер 17 қаңтарға арналған ауа райы болжамын жариялады, деп хабарлайды Azattyq Ruhy.
«Бүгін Қазақстанның басым бөлігінде кең ауқымды антициклонның әсерінен жауын-шашынсыз ауа райы болады», - делінген «Қазгидромет» РМК хабарламасында.
Тек елдің батыс, оңтүстік, оңтүстік-шығыс аудандарында атмосфералық фронттардың өтуіне байланысты ауа райының тұрақсыз сипаты сақталады.
Республика бойынша жауын-шашын (жаңбыр, қар), жаяу бұрқасын, тұман, көктайғақ, екпінді жел болады.
Астанада күн ашық, жауын-шашынсыз, жел 2-7 м/с жетеді. Ауа температурасы түнде -28...-30°C, күндіз -17...-19°C болады.
Алматыда көшпелі бұлт шығады, қар жауады, жел 5 м/с күшейеді. Ауа температурасы түнде -8...-10°C, күндіз -3...-5°C болады.
Шымкентте көшпелі бұлт шығады, жауын-шашынсыз ауа райы болады, жел 3-8 м/с жетеді. Ауа температурасы түнде -8...-10°C, күндіз +2...+4°C болуы мүмкін.