Жапсырманы газ баллоны бар көлікті оңай анықтауға болатындай етіп қою қажет
Бұдан былай газ баллон жабдығы бар көліктерге «GAS» жазуы бар сары теңбүйірлі үшбұрыш белгісін қою қажет. Аталған стандарт ҚР Ішкі істер министрі Ержан Саденовтің бұйрығымен бекітілген Жол қозғалысы ережелерінде көрсетілген, деп хабарлайды Azattyq Ruhy Polisia.kz-ке сілтеме жасап.
Осы ретте Түркістан облысының полицейлері көлік жүргізушілерін тексеріп, түсіндірме жұмыстарын жүргізді.
«Жапсырманы газ баллоны бар көлікті оңай анықтауға болатындай етіп, сонымен қатар жабық көлік тұрақтарының кіреберісіне де қойылуы қажет. Жаңа шара қауіпсіздік мақсатында енгізілген. Түркістан облысында 67 мыңнан астам көлік газ қондырғысымен жабдықталған», - делінген хабарламада.