Көкшетау-Астана тасжолында қалып қойған 200-ден астам адам пойызбен эвакуацияланды

Қолайсыз ауа райына байланысты Көкшетау-Астана тасжолы жабылды. Салдарынан 200-ден астам адам жолда қалып қойған. Олар Ақкөл стансасынан эвакуацияланып, № 6830 пойызымен елордаға жеткізілді, деп хабарлайды Azattyq Rýhy «Жолаушылар тасымалы» АҚ баспасөз қызметіне сілтеме жасап.

Пойыз бригадасы жолаушыларға қажетті көмекті көрсетті.

 «Жаңа жыл қарсаңында ауа райының қолайсыздығына қарамастан теміржолдағы пойыз бригадасының бүкіл қызметкерлері жолаушы пойыздарының қозғалысын қамтамасыз етіп, тасымал кезінде барлық жағдайды жасап жатыр», - делінген хабарламада.