Қазір шатырды қалпына келтіру жұмыстары жүргізіліп жатыр
Қостанай облысының Тобыл қаласында ұйытқыған жел салдарынан тұрғын үйдің шатыры опырылды. Оқиғаны Қостанай облысының әкімдігі растады, деп хабарлайды Azattyq Rýhy ҚазАқпаратқа сілтеме жасап.
«Оқиға Водник 5 шағын ауданында болды. Көпқабатты тұрғын үйдің шатыры опырылып түсті. Зардап шеккендер жоқ. Бірнеше көлік зақымданған, олардың саны анықталуда. Қазір шатырды қалпына келтіру жұмыстары жүргізіліп жатыр», - деп жауап берді Қостанай облысы әкімдігінің баспасөз қызметі.
Қалпына келтіру үшін алдымен жұмыс ауқымы мен залал деңгейі бағаланады. Одан әрі төтенше жағдай жариялануы мүмкін.