Жыл соңына дейін қаланың 15 пайызын қамту көзделген
Цифрлық даму министрлігі Телекоммуникациялар комитетінің басқарма басшысы Олжас Қабенов «Қолжетімді интернет» ұлттық жобасына арналған брифингте елордаға 5G-ді қосу жайлы айтты, деп хабарлайды Azattyq Ruhy.
«Астанада 5G желісін қосу бойынша ұялы операторлар 70-тен астам базалық станция орнатты. Қазақстан бойынша барлығы 600-ден астам базалық станция орнатылды. Олар адам көп шоғырланған аудандарға қойылды. Біз операторларды белгілі бір ауданға базалық станция орнатуға міндеттемейміз. Олар өздері қажет деген жерлерге орнатады. Біздің талабымыз қаланың 75 пайызын қамтамасыз етуі керек», - деді Қабенов.
Оның айтуынша, жыл соңына дейін халықтың 15 пайызын қамту жоспарланып отыр.
«Ұялы операторларының сайттарында базалық станцияны орнататын аудандар белгіленген», - деді ол.
Авторы: Аягөз ҚҰРМАШ