Ресей үкіметі Қазақстанның оңтүстігінде орыс тілінде сабақ беретін 3 мектеп салмақшы

Аягөз Құрмаш

Бұл мәселе әлі пысықталып жатыр

Ресей үкіметі Қазақстанның оңтүстігінде орыс тілінде сабақ беретін 3 мектеп салмақшы
Фото: gov.kz

Ресей үкіметі басшысының орынбасары Алексей Оверчук Қостанайда «Ауыл шаруашылығы – мықты экономиканың негізі» тақырыбында өткен форумда Қазақстанның оңтүстігінде орыс тілінде сабақ беретін үш мектептің құрылысы басталатынын мәлімдеді, деп хабарлайды Azattyq Ruhy тілшісі.

«Ынтымақтастық пен барлық деңгейде іс-жүргізу үшін бізге орыс тілі қажет. Қазір біз аудармашылардың көмегінсіз-ақ бір-бірімізді тікелей түсініп отырмыз. Қазақстанда орыс тіліне деген қызығушылық бар. Біз бұл мәселені үкіметаралық комиссияның отырысында да талқыладық. Біз Қазақстан Президенті Қасым-Жомарт Тоқаевқа орыс тілі бойынша халықаралық ұйымның құрылуы бастамасы үшін алғыс айтамыз. Ол келісімге 13 қазанда ТМД елдері басшыларының кеңесінде қол қойылды. Қазір біз Қазақстанның оңтүстігінде орыс тілінде сабақ беретін үш мектептің құрылысын детальды түрде талқылап жатырмыз», - деді ол.

Оверчук атағандай, Ресейде 60 мыңнан астам қазақстандық студент білім алады.

Ол Қазақстанда бірқатар ресейлік жоғары оқу орнының филиалдары ашылғанынын айтты.

«Ресейдің ауыл шаруашылығы ЖОО-сының филиалын ашу жұмыстарын пысықтап жатырмыз»,- деді ол.

×
Бұл желілік ресурстың ақпараттық өнімдері 18 жастан асқан адамдарға арналған.