Америкалық қыз Қазақстанға келуді армандайтынын айтты

Атланта қаласында тұратын 14 жастағы америкалық қыз арманы Қазақстанға бару екенін айтты, деп хабарлайды Azattyq Ruhy агенттігі AstanaTV-ге сілтеме жасап.

Әлеуметтік желіде тек қазақ тілінде жазба жариялап жүрген жасөспірім қазақша үйренумен қатар,  еліміздің өмірі мен мәдениетін зерттеп жүргенін айтады.  

Оның Қазақстанға деген қызығушылығы  2019 жылы ояныпты. Жасөспірім тіпті өзіне қазақша есім таңдап алған екен. Өзін Айбала деп таныстырған қызын бұл есімді «ай баласы» деген мағынаны білдіретіндіктен таңдағанын айтады.

Сондай-ақ ол желідегі жазылушыларына Қазақстанға бару ең үлкен арманы екенін айтты.